室內設計師

"Wowwww" was my first response when I first laid my eyes on the newly completed project. The craftsmanship, the attention to details, the design, the nuance and the practicality! I am more than happy with the work this professional team has delivered!"

Everyone in the office was very pleased with the design concept and colour scheme. Alvin is a great designer and was able to understand our needs. The renovation was completed on time, but the total cost exceeded the planned budget. Alvin is easy to communicate with and responds in a timely manner. After the renovation, he promptly fixed the construction defects.

裝修過程難免出現大大小小問題，但設計師團隊都樂於聆訊我地意見，成果符合我地預期。

一次愉快嘅合作經驗 分享比大家聽我地同Deco Farmer愉快嘅合作經驗，文比較長，希望可以比到大家做參考。🥳 我同先生首次上車，由於買嘅係新樓，唔想郁廚廁原有裝修，本身家人都勸我地訂造傢俬就算，平又平D，仲可以快D入住咁話。但依家諗番都覺得好好彩當時決定搵室內設計公司，更好彩搵到Deco Farmer團隊，令我地今日可以住得咁舒服。 當初吸引到我地搵Deco Farmer嘅原因，係因為我地睇過佢地嘅videos，見佢地都有做過一D project，風格相當接近我地想要嘅嘢。 關於裝修，我同先生主要嘅要求係： 1/ 擔心屋企唔夠光，所以屋內所有位置都希望會有足夠光源； 2/ 希望新裝修可以同原有廚廁裝修有一體感； 3/ 想要合理儲物量，但又唔想空間睇落太壓迫； 4/ 裝修風格想要簡約清新，色系以自然為主(例如白、黑/啡、木色等)（由於口述怕會有誤會，我同先生交出咗一系列接近我地諗法嘅相）； 5/ 希望屋企易清潔易打理，唔好有「鬼鼠位」，所有位置都做好收口/唧膠。 所以個陣時約Heiman見面開會，我地問咗Heiman好多問題，有關於風格嘅問題，都有關於物料、燈光、傢俱擺位、地台等等嘅問題咁。我地嘅問題都無考起Heiman，佢好仔細咁說明咗好多基本知識，並且問咗我地平時喺屋企會做咩活動，有無特別需求咁（例如大型樂器收納之類）。我地見Heiman present得清楚又合理，睇得出佢好有經驗，設計風格又岩心水，而且最重要嘅係感覺到佢會真心去了解我地嘅需求，我同先生都好放心，就決定交比佢地處理。 我地3D圖都改咗幾次，Heiman一路比咗好多專業意見比我地，例如喺櫃嘅配色同設計上面都幫咗我地決定咗一個合適嘅大方向。每當我地有疑問，Heiman都會清楚解釋到我地明白晒為止，我地都好欣賞佢好耐心同我地溝通。後尾訂傢俬（梳化、餐台＋櫈）、燈具甚至窗簾，仲有其他小配件（例如掛勾）嘅時候，Heiman都全程跟到足，精挑細選source咗D好靚嘅option比我地，非常細心。 成個工程期間，Heiman同Brian由頭到尾幫我地manage晒成個project，十分有交帶，同時覆whatsapp都覆得好快，同好有耐心解答我地既問題。個期我先生番工特別忙成日OT，我又唔太識裝修嘅野點睇，真係好好彩所有野都有Heiman佢地幫我地跟，如果唔係下下要自己跟到足，都要花好多時間心力。 依家呢個時勢，多少都難預裝修期幾時可以完，個時當我地D櫃已經訂造好咗，又撞中封城影響陸路運輸，為咗預岩搬屋時間，我都地好緊張keep住同Heiman溝通，好感激佢盡力幫我地安排，令工程不致延誤，而且最後都係清潔得乾淨企理先交番比我地。入住之後，Heiman同Brian都好負責任幫我地執修D細位。 當初我地做research嘅時候，有喺Google搵過D裝修公司/室內設計公司黑名單，睇過好多工程延期/爛尾，或者收番間屋嘅時候覺得貨不對板嘅慘案，老實講本身都好怕會唔小心中伏，慶幸第一次搵室內設計公司就搵到間負責任嘅公司，覺得成個體驗都滿意既👍。 間屋做到出嚟都符合我地當初既要求，尤其幫我地解決咗我地一直擔心既燈光不足既問題。 下面附我地裝修後嘅相，比大家參考下✨。 最後，想再一次多謝Deco Farmer團隊，特別係Heiman同Brian，你地真係跟得好足，幫咗我地好多！衷心祝福你地生意興隆，事事順利🌹 我地會繼續關注你地嘅發展，以後有機會嘅話一定會再搵你地合作！加油呀！

無意間search到Epic，Epic design正中我鐘意嘅style，本來冇打算要搵designer，但係第一次上去同Kelvin傾完之後，覺得價錢都OK，而且完全唔hard sell，會跟返我哋budget俾意見，最後就揀咗Epic。 由出設計3d圖到揀物料，再到我哋真係收樓confirm圖紙，每一次Epic都好準時。 而且Kelvin好細心解答我哋嘅問題👍🏻我哋問好多extra嘅design嘢，Kelvin都俾咗好多意見，亦唔會嫌我哋煩，同埋唔會昆我哋或者當我係水魚，好誠懇的🥺！ Kelvin亦會親自上黎睇同度尺寸，之後仲會有多位師傅confirm尺寸冇問題。到最後我哋收貨時發現啲尺寸真係攞到盡而且啱啱好，係好fit size。 而且Epic絕對冇出面design firm個啲衰野‼️整嘅過程都有擔心過實物會唔會同3d圖係兩回事，整出嚟嘅櫃會唔會睇落好廉價或者有問題（因為我都幾高要求），但實際上係同想像一樣，100%match，屋企人都覺得好👍🏻 安裝嘅師傅好快手，又好整齊乾淨，擠玻璃膠都擠得好靚🤣 收貨後好滿意，如果下次換樓裝修一定會再搵返Kelvin🤤祝Epic長做長有，希望你哋可以一直保持初心！ 10000000%推介

經過今次之後，找正確的設計師令我感受到有以下的好處： 1）突出網上平台的競爭力，當做IG,FB,YouTube 時，比讀者留下一個深刻的印象。 2）清楚表示自己公司的定位。 3）找一個對的人（設計師）慳返好多自己去管理公司的時間。 4）Betty 每次開會之前都會準備好問題去問我，從而確定我們的真正及實際需要。 5）Betty 面對突如其來的事，她會諗好解決方案再和我們溝通，此外，面對我們突然要求的改動，也會和我溝通清楚再作出專業的意見及配合。 6）Betty 跟工程進度也很緊密，我真的一點煩惱也沒有。 7）最後，比預期中早完成我們的公司。 *之前兩間舖我哋都冇搵設計師，因為想慳返這一筆錢，但係現在我會覺得這筆錢是用得其所，因為我遇到對的人。*

確定搵X Ka 之前，我都有見過另一間室內設計公司，價錢比較貴；相比下覺得X Ka嘅價錢比較公道，設計師為人實際、老實，詳細睇過Qanvast網上評論，X Ka多正評，面見時又有分享其他作品，所以就決定左搵X Ka 。 收樓後我對裝修成果十分滿意，性價比高、質素好、設計合符自己心意。而且設計師服務態度良好、實際、努力，著重與客人溝通，拖工不會拖泥帶水，一講即做，積極解決問題，值得推介。