和生設計

年半前用咗呢間公司，當初就係見佢多人畀正評同都算大公司，又上Viu做冠名又盛，諗住都無死啦，一開口就話上門睇要畀4位數嘅錢，當時諗住算啦，大公司信得過。 其實個interior design羅小姐真係好好，好細心，但佢帶嚟個啲師傅嘅做工真係一言難盡。 首先，頭幾日已經鑽爛咗我條熱水爐電線，好彩屋企人係度睇住成個過程，問返啲師傅，佢地仲要話係上一手師傅整得唔好，條電線放得太出同位置唔好，先搞到佢地鑽到，問佢地點解唔用工具check咗先鑽牆，佢地又話不嬲都唔洗用。 當時工程做到一半，我只求順順利利完成，所以唔同佢地計，佢只幫我包返點電線，我自己畀錢揾熱水爐師傅搞掂其他事宜，佢地啲師傅連對唔住都冇一句。我嗰時問熱水爐師傅點解會發生呢個情況，佢只係答咗我一句好玄妙嘅說話「算啦，你當自己破財擋災啦」，咁我諗大家都明白啦。 到後來我親自到場睇，見啲師傅當住我面用腳踢我啲地台木材，我都安慰自己算啦，佢地可能粗魯啲啫，之後自己清潔吓就算。當然仲有好多其其他他嘅事真係罄竹難書。 到年半後，我發現佢地油過嘅牆，唔知點解浮起咗師傅之前畫嘅marking，上面一達達幾多幾多cm咁樣，我就問返間公司點解會咁，點知佢同我講要上我屋企再睇，答我「需要處理事項就必須處理，我睇咗先，費用上視乎情況決定，一般來說在二仟元內」，我真係呆咗，從未見過或聽過朋友親戚屋企裝修完啲油係會咁樣嘅。 所以話，如果唔係有嗰位設計師，我連1分都唔想畀佢。

認識Sharon由和生設計公司開始，首次見面用心聆聽了我和先生的喜好之後開始替我們設計傢具，我們為了保存家中一些花梨和實木傢俬要求她設計的項目並不多，但她仍然非常有耐性地替我們設計，亦願意聽取我們的意見從而給了我們頗為滿意的設計圖，當裝修完成後回單位檢視時發覺效果遠比想像中還要好非常滿意👍當然工程並非百分百完美，當發現裝修有些少瑕疵時她亦可以在短時間內安排師傅跟進。 整體來說設計我是十分滿意，裝修亦沒有超支情況出現，安排師傅的工程進度仍有進步空間。

整體設計及施工十分滿意。設計師對設計及施工的建議詳細並十分細心跟進。設計及工工程滿足簡約要求，亦十分注重個人日常生活需要。設計師按預算及按時完成工程。工程後的修補能有效跟進。