Deco Farmer Studio

之前都係睇電視睇到deco farmer studio做過嘅項目，就搵咗佢哋設計。喺成個過程裏面都感受到設計師Heiman嘅細心，佢能夠將我哋生活上嘅需要放入設計上，又同時提出方案滿足我哋兩位唔同嘅口味喜好。裝修過程都跟進得好貼，完工後執漏都做得好好。

一開頭要搵設計公司嘅時候，我同先生比較左幾間，我哋兩個都同意將呢個重任交俾Deco Farmer Studio ，而最後都冇令我哋失望！呢間設計公司俾我哋感覺好認真，未見面之前會有幾個範疇叫我哋諗咗先，主要係關於屋企人嘅生活習慣，而家已有東西同將來會添置嘅家具，同埋鍾情邊種風格等細節。到真正見面時候，令我哋嘅討論更加有方向，我想講設計師Heiman真係好正，好快已經知道我哋大概想要啲咩，仲提供幾個設計俾我哋揀，將我哋本來漫無目的嘅諗法慢慢收窄，逐漸實現我哋未來嘅家，仲要我同先生兩個門外漢中間勁多問題，但係Heiman都好耐心解決我哋嘅疑問。 另外，阿忠同賢仔嘅幫忙更加不在話下，冇咗佢哋就唔會成事，每次上去傾設計，大家都有講有笑，成哥設計嘅過程都好融洽，而且會有材料嘅實物同樣板俾我哋參考，最令人驚嘆嘅係設計圖同最後製成品真係有起碼九成幾相似，我自己都差啲分唔出邊個真邊個假。 喺施工嘅過程中，Heiman同阿忠都會親力親為，監察師傅嘅進度，我同先生都可以專心我哋繁忙嘅工作，放心交俾佢哋。講到呢度，大家可能覺得設計裝修公司膠咗貨就算數，咁你就錯啦！搬咗入嚟新屋已經差唔多五個月，一遇到咩奇難雜症，佢哋都會一一處理所有問題，仲會比佢哋嘅專業建議俾我哋，所以我哋已經由客戶嘅關係升華到朋友，真係好彩當初揀咗Deco Farmer Studio，完全冇後悔。我哋每個招呼嘅朋友，上到嚟都異口同聲覺得我哋嘅安樂窩感覺好舒服，真係令人開心！ 如果你呢一刻都諗緊搵邊間設計公司幫手裝修，我一定會推介Heiman嘅團隊，絕對唔會令你失望，甚至有驚喜同突破。

今次係第二次裝修，因為之前有個裝修屋企經驗所以好快已經知道自己想要啲咩。上一次係經熟人介紹，今次上網自己搵。 本身都好擔心會遇人不淑或者好多好奇怪嘅事情。呃秤但上網見佢好多客人評語都話佢係用心去做同處理得好細心，唔係打手，仲希個外國人拍片多謝佢同埋見倒相佢地幫業主親自裝電器，應該有心做，所以決定放膽搵佢哋負責呢個工程。 上過佢哋個網站睇咗佢哋唔同嘅設計，屯門嗰個設計令我印象好深刻，因為我覺得一個冇耐性嘅設計師唔會打造咁多變形傢俬同埋完全為業主生活方便而設計廚房細節。 另外上網睇佢太古城嘅影片我覺得佢個風格好柔和好young. 我覺得好適合所以ig佢哋。 上網搵過三四間公司，heiman係第一間認真會覆我唔會怕係細工程hea我。 全個工程我都交晒比佢打理完全無太多嘢煩。設計出嚟個作品係大家都滿意同開心。佢會就我習慣去滿足而設計。 Heiman同阿忠都識得喺滿足客人同設計上拎平衡，感覺舒服。因為大家係交流idea傾間屋出黎。 工程完成後管理處加左有一些要求要我執。佢哋都好快啲同我跟進同唔會怕麻煩唔會冇咗影，令我10分欣賞。 我睇過好幾間工程設計，heiman令我覺得佢好有style唔會玩到間屋古古怪怪。而最重要係佢地合作既師傅手工都幾唔錯。 我希望我如果有機會再裝修間屋可以再交俾heiman & 忠再做。 希望deco farmer保持初心，愈做愈大。